Ventezèl dispitus dè april ‘l squasa
foie noèle, fiurilì delicacc nei prà.
Le tindine a le mé finestre le sbarbèla
söi vedre ‘mperlacc da ‘na spéra dè sul.
Mà svelte dè gnare le serca dè tègner zó
sotane chè desquacia gambe nüde
è caèi chè ùla vià da sguanze argugnuse.
Pütì nei giardì i cor e i zöga smaturicc
isé streersat ‘l vent nèla sò stagiù amó zèrba.
Ansiani ‘ngrimicc è moch sö le banchine
i polsa èntat chè ‘l sul ‘l para vià ‘l frèt nei òss.
Magù ‘ngnatacc ‘n font al cör i sa banduna
ontéra a chésto ventezèl dispitus dè april.
Èl sofiarà fin a faga posto a speranse nöe.
Ornella Olfi
