Jè töcc lé, möcc, sentacc zó vizì,
el sguardo pèrs, vöt, sensa pensér,
èl corp malrüdit dala malatia:
la s’è ‘ngnatada nèla mènt è
come un serpènt vilinus
la g’ha strisciat ‘n töta la persuna,
la g’ha robat energia, forsa per caminà,
per parlà, per ricordà, la g’ha fat deentà catif
spiricc gentili, la g’ha annientat dignità.
La g’ha culpit sensa pietà siòr e puorècc,
istrüicc o analfabeti, zuegn o ècc.
I rit có l’inocensa dei pütì,
zinzìe sganaséte che metarà pö dèncc
o i pians nei momencc che ‘n d’en cantunsì
del sò có un ciapilì dè jér
èl sbüsa la nebia dela vita dè ancö.
Jè töcc lé, isé trop che sa ‘nsomèa, adès,
ma isé diferèncc,jér, tep che turnarà mai pö,
de lons da chela vita che la jà èmbroiacc,
ma bisugnus dè afèto, de ‘n bazì, de ‘n carèsa.
Tai vàrdet e ta spècet nel vöt dei so öcc,
ta trèmet a pensà ala tò vechiaia,
ala póra de ritroat compagn de lur…
è alura ta tróet èl coragio de staga vizì,
de strapaga ‘na ridida o, perché no, ‘na lacrima,
e daga ‘n ültem ariìdis
Ornella Olfi – 2010 –
Il 21 settembre, un po’ in sordina, si è celebrata la giornata mondiale dell’alzheimer, una demenza degenerativa che colpisce in Italia purtroppo più di 600.000 persone. La ricerca sta sperimentando nuovi farmaci che ne rallentino il più possibile il decorso e si spera faccia significativi passi avanti. Chi ha vissuto o sta vivendo con un familiare affetto da alzheimer, (io ho avuto l’esperienza con mia suocera) sa quanto sia difficile e a volte impossibile seguire il malato nelle varie fasi, di quanto supporto fisico e psicologico abbia bisogno non solo l’interessato, ma molto anche chi gli sta vicino, fino ad arrivare spesso alla sofferta decisione di ricoverare il proprio caro in strutture idonee, quando la situazione diventa ingestibile.
Ornella Olfi
